السبت, 13 يناير, 2007
وحشاني يا مدرستي
وألامتي وكرستي وأجري على مريلتي
ألبسها ودفرتي وحشاني يادفرتي ياحببتي
ياأربتي أمسكها بكفوفي وخبي بيها كسوفي
وشريتي أهي فيونكه تتكلم بطفولتي
وحشاني يا طفولتي و
برائة أيامك
والبسمه على شفيفي والفرحه على خدودي
واللمعه في عيوني حشئى وهد الدنيا
وشنطة مدرستي وكتبي وألونتي
وصحابي في مدرستي نتخانيء عالتخته
ونصرخ ونعيط ونتصالح ونطبطب
وحشاني يا مدرستي
واستاذ عزيز وحشني يالزيز بعصيتك
الحلوه وصوتك العالي في حوش مدرستي
وطابور الصباح وطيور السحاب
تسمع صوت الاولاد تحيا مصر بلدنا
وحشاني يا مدرستي
وحشاني ريحة جومتي وبرايتي وتبشرتي
وحشاني يا مدرستي
وحشاني يا أبله سحر ووحشني برفانك
وشياكتك وكلامك لسه فكره يا ابله
وبعمل زيك في أيامك
وحشاني يا أبله وفاء وألبي أد أيه مشتاء
لألبك الحلو الطيب فكراكي وفاكره أمومتك
وحضنك الدافي الطيب وبحضن بنتي
وبفكر فينك يا أبله وفاء
وحشاني غدوتي في أرض حوش مدرستي
نفرش عليه أنا وصحابي ونخطف ونضحك ونهزر
وحشاني يا مدرستي
وجرس عم حسن أستنى والنبي يا عم حسن
وحشاني يا ابله النظره والرعشه منك من نظره
أنا حاضر حسمعلك وحطاوع كل أوامرك
نجري على تختتنا ونفتح كراستنا الرسم وألوانتنا
ونحلم بدنياتنا ونضحك على رسمتنا
وحشاني يا مدرستي
وانت كمان يازميلي وملازمني في تعليمي
أبدا مني ماتزعل
أصل ماما ألتلي كل ماأروح مدرستي
أوعي أبدا يا بنتي ويالأولاد تمشي
حاضر نعم يا أمي ماهي بتشيل همي
تمسكني من ودني وعيونها في عيوني
وأنا أداري كسوفي وأغمض برموشي
ودفيري في كفوفي نعم حاضر يا أمي
وحشاني يا مدرستي
وأنت كمان يا بابايا يا سبب كل هنايا
تديني مصروفي وبأيدي في جيوبي
وحصلتي في مكتبتي أصرف زي ما أصرف
والبائي في حصلتي
عوزه أيه يا مرايتي كل ما بوص عليكي
تئوليلي أنتي كبرتي مخصماكي يا مرايتي
وحياتك يا مرايتي حجري على شباكي ويى الطير الشادي
وسمع صوت أولادي في طابور الصباح بمدرسه جمب بتنا
وحئول تحيا مصر بلادي
أضافها nsmaahmd2006 @ 01:06 ص
(1) تعليقاتأضف تعليقا
أضف تعليقا
<<الصفحة الرئيسية
من مصر
بجد كلامك خلانى ابكى
وشوقتينى لمدرستى وايام الطفولة والمرح والشقاوة.